Hiko Slingshot

Tāpirihia te hiko ki tō mahere aunui kia whai i ngā tino hua - ngā utu papai, te pai o te rato, ngā pūhanga whakahekenga utu kia heke ai te nui o te utu, me te pire māmā kotahi. Kāore he kōwhiringa tū atu!

Te pūhanga whakahekenga utu 10%

Whai hua nui me o mātou pūhanga whakahekenga utu! Penapenatia te 10% mai i tō mahere aunui, me te 10% mai i tō mahere hiko.

Kei te pire kotahi te katoa

Ko te aunui, ko te hiko me te waea pūkoro ki te pire kotahi - ka mimiti haere te whakahaerenga ā-kāinga! He māmā te whakahere ā-tuihono mā tō mātou taupānga, me te aha ka rongo tonu i te tino o te mahi rato mīharo e whai mana ai a Slingshot.

Kāore he kirimana, kāore he here

E whakapono ana mātou ka taea e mātou te tautoko i a koe kia penapena pūtea, heoi anō, ki te kore harikoa koe me te hiko o Slingshot, ka āhei ki te wehe i a Slingshot me te kore hāmene wehe.

He whakawhitinga māmā rawa atu

He māmā te whakarite. Mā mātou te katoa e whakarite, ā, kōtahitahi noa iho ngā rā ka whai hononga hiko Slingshot koe.

Te $200 o te hiko kore utu mō te kotahi marama with a 12-month broadband plan

Timata mai ināianei
$200 free power valid for 31 days. New customers only. $250 exit fee & $14.95 modem delivery fee apply to broadband plan. T&Cs apply.

Timatahia te hononga ki Hiko Slingshot

Me pepehatia tonutia e mātou? Whakauru mai ināianei, ā, mā mātou te huarahi e para. Kāore i roa - ka whai wāhi mai koe ki te hiko whai wāriu mīharo me te māmā rawa o te whakahaere. Kua whai wāhi kē mai ki a Slingshot?

Me kōwhiri au i te kaiwhakamahi aro whānui, kaiwhakamahi auau kore rānei?

E rua ngā momo mahere e wātea ana ki ngā rahinga whānau o Aotearoa: Ko te Kaiwhakamahi Aro Whānui, te Kaiwahakamahi Auau Kore rānei. Ahakoa te kōwhiringa ka riro i a koe tētahi pāpātanga ā-rā, ā, tētahi pāpātanga whakamahinga wāhanga hiko a ia kWh (kirowāta ia hāora). Kei a koe te tikanga kia whakauru atu ki te mahere Kaiwhakamahi Aro Whānui, ki te mahere Kaiwhakamahi Auau Kore rānei, heoi, mā ngā tūāhuatanga e noho nei koe e tohu ko tēhea te mea pai mōu.

Kotahi te wā ia tau ka taea e koe te whakawhiti ki waenganui i ngā mahere kaiwhakamahi aro whānui me ngā mahere kaiwhakamahhi auau kore. He mea whai hua tēnā mēnā ka rerekē pea ngā tūāhuatanga kei mua i a koe (hei tauira, ka hūnuku tētahi tangata mai i tō whare, ā, kua tino heke te nui o te hiko e whakamahi nei e koe). Ki te whakaaro koe ka pai ake kia whakawhiti ki mahere kē atu, tēnā waea mai, mā mātou koe e āwhina kia whakatauhia taua whakawhitinga.

Me he hiahia tōu kia mōhio ki ngā whakanikonikotanga, kua whītikitia tētahi kohikohinga kōrero ārahi mō ngā āhuatanga o te Kaiwhakamahi Auau Kore me te Kaiwhakamahi Aro Whānui kei te wāhanga 'Ngā pātai auau te rongo'.

Consumer NZ offers a free and independent energy price comparison site called Powerswitch. A word of caution from us: you will see that Powerswitch doesn’t include Slingshot. This is because it can’t handle displaying bundle discounts, so please factor in any discounts (like the sweet 10% you get with us) if you use the comparison tool.

Ngā pātai auau te rongo

E rua ngā wāhanga o te utu hiko - tētahi utu pūmau ā-rā (i te nuinga o te wā ka tohu ki te hēneti ia rā), waihoki, tētahi utu whakamahinga tāupe, i te nuinga o te wā ka tohu ki te hēneti ia wāhanga o te kWh (kirawāta ia hāora). Ka whakatauhia ngā utu o te pire mā te whakarea i te utu pūmau ki te tapeke o ngā rā kei roto i te tākiwā o te whakapiretanga. Waihoki, mā te whakarea i te hiko kua whakamahia e koe mō taua anō takiwā o te whakapiretanga (he whakatau tata rānei o taua whakamahinga). I ētahi wā, ka nui ake pea i te kotahi te whiwhinga utu whakamahinga tāupe e hāngai ana ki ngā momo whakarato rerekē. Ka whakatauhia e Te Mana Hiko tētahi utu tāke ki runga i ngā kaihoko hiko.

Tēnā pea ka kitea tētahi utu tāke ki tō pire tawhito, arā he "EA Levy". He paku noa te utu tāke EA, ā, kua whakatauhia e mātou kia whakatōpū i taua utu tāke ki roto i ngā utu whakamahinga tāupe, kia kaua e wāwāhi ki tōna ake kotahi.

E rua ngā momo mahere e wātea ana ki ngā rahinga whānau o Aotearoa: Ko te Kaiwhakamahi Aro Whānui, te Kaiwahakamahi Auau Kore rānei. Ahakoa te kōwhiringa ka riro i a koe tētahi pāpātanga ā-rā, ā, tētahi pāpātanga whakamahinga wāhanga hiko a ia kWh (kirowāta ia hāora). Kei a koe te tikanga kia whakauru atu ki te mahere Kaiwhakamahi Aro Whānui, ki te mahere Kaiwhakamahi Auau Kore rānei, heoi, mā ngā tūāhuatanga e noho nei koe e tohu ko tēhea te mea pai mōu. Anei te take...

He nui ake te pāpātanga ā-rā o te Kaiwhakamahi Aro Whānui, engari he iti ake te pāpātanga o ia kWh ka whakamahia, nā reira he pai mēnā he āhua nui tō whakamahi hiko. Ka whai hua ngā kāinga kei tua o te taitokerau o Ōtautahi ki te mahere Aro Whānui mēnā ka nui ake i te 8,000 kWh ia tau te whakamahinga hiko, ā, mō rātou ki Ōtautahi me ngā takiwā kei te tonga o Ōtautahi mēnā ka nui ake i te 9,000 kWh ia tau te whakamahinga. Kāti, ina he iti ake tō whakamahinga ā-tau i aua nama, ka pai ake te mahere Kaiwhakamahi Auau Kore.

I te nuinga o te wā he pai ake te mahere Kaiwhakamahi Auau Kore mēnā he iti ake i te whakamahinga taurite tō whakamahinga hiko (koia te take mō te ingoa!). Kua waihangatia me te whakaaro kia kaua e neke atu i te 30 hēnei te nui o te pāpātanga ia rā* engari he nui ake te wāhanga pāpātanga, nā konā, ki te paku noa tō whakamahinga hiko ka iti ake te utu ki tēnā o te mahere Kaiwhakamahi Aro Whānui. I te nuinga o te wā, me kōwhiri koe i tētahi mahere Kaiwhakamahi Auau Kore mēnā kotahi, tokorua noa iho rānei ngā tāngata e noho ana ki tō whare, me te aha, he pai te ārai makariri o tō whare, he pai te taumata o te tiaki pūngao o tō whare, ā, i te nuinga o te wā he haurehu te momo o te whakamahana whare, o te whakamahana wai rānei.

Ko te tikanga, ka iti ake i te $200 te toharite ia marama, puta noa i te tau - heoi, ko te utu pū ka paku rerekē kei ngā takiwā rerekē o te motu. Ka pai ake ngā mahere pāpātanga Aro Whānui mō aua kāinga e whakamahi ana i te hiko mō te whakamahana whare me te whakamahana wai, otirā, i te nuinga o te wā tokomaha ngā tāngata kei te kāinga.

Kia mōhio mai koe, ahakoa i te nuinga o te wā ko te 8,000 kWh ā-tau te wāhanga tohu tāhoro o te wā kei waenganui i ngā mahere e rua, ka pai ake tonu te nuinga o ngā kāinga toharite mēnā ka uru atu ki te mahere Kaiwhakamahi Auau Kore. Kotahi te wā ia tau ka taea e koe te whakawhiti ki waenganui i ngā mahere kaiwhakamahi aro whānui me ngā mahere kaiwhakamahi auau kore.

*hāunga ko te GST, ā, āmuri ake i ngā pūhanga whakaheke utu katoa.

Tēnā whakamōhio mai ki a mātou mēnā e whirinaki ana koe, e tētahi mema o tō whānau rānei i te hiko mō te oranga te take, ā, ka pā tētahi tino hē, ka mate rānei tētahi i te korenga o te hiko. Tēnā pea ko te whirinakitanga ā-hiko e tautoko ana i te whakamahinga o tētahi taputapu oranga, taputapu hiko rānei e tāpae ana ki tētahi kaupapa maimoatanga.

Mēnā e whirinaki ana tētahi hunga nō tō rahinga whānau i te hiko mō te oranga te take, me mātua tere tāu whakamōhio mai ki a mātou mēnā kāore anō kia pēnā kētia.

Ka tonoa e mātou he taunaki mō te whirinakitanga ā-hiko mō te oranga te take - kāore e kore kua tukuna kētia e te GP tēnei ki tētahi reta.

I te nuinga o te wā he māmā te whakawhiti mai i a koe ki Slingshot, kōtahitahi noa iho ngā rā kia whakatutuki. Tēnā pea, kua here koe ki tētahi kirimana me tō kaiwhakarawe hiko o nāianei me te mea ka wātea e rātou te tuku utu whati kirimana ki a koe.

Tēnā, tirohia tēnā āhuatanga, ā, me aroā koe ki ngā utu ina he utu - kāore koe i te hiahia ki tētahi ohoreretanga. Tēnā pea ka toro atu tō kaiwhakarawe hiko o nāianei ki a koe me te ngana ki te whakapoapoa i a koe kia hoki atu me ngā whakahekenga utu, he momo nama rānei.

Heoi, e whakapono ana mātou, i te korenga o tā rātou koha i aua mea i a koe e noho ana hei kiritaki, i mua mai o tō whakamōhio atu ki a rātou, kei te wehe koe, me āta whakaaro koe mēnā kei te tino hiahia koe ki te tuku pūtea ki a rātou i ngā rā anamata.

Ka tika rā! Ka riro hoki i a koe tētahi whakahekenga utu ki tō mahere aunui me tō mahere hiko anō hoki. Titiro ki konei.

Ina he hunga hou koe ki Slingshot, toro noa ki konei, tīpakohia tētahi mahere aunui, ā, tāpirihia te hiko. He māmā noa - e koakoa ana mātou ki te whakamāmā i ngā mea katoa.

Nā tā mātou tuku i te manawhakahaere ki ngā hunga o Aotearoa, ka āhei e koe te utu i tō pire ia wiki, ia rua wiki, ia marama rānei. Kei a koe hoki te kōwhiringa kia tohu i te rā o te wiki kei ngā huringa wiki, kei ngā huringa rua wiki rānei ka utu i tō pire Slingshot. Ka tino whaihua tēnei kia mātua tika te rā utu, kia utua tō pire i te rā whai muri i tō rā whiwhinga pūtea, kaua ko te rā whai mua!